 |
 |
|
|
In cumpromiss per cuntentar tut ils gusts
I dat ina gronda dispita, tge rumantsch ch'è meglier per las scolas dal Grischun: in dals idioms - il sursilvan, il sutsilvan, il surmiran, il puter ed il vallader - u il rumantsch grischun. Questa dispita è era in tema tar las politicras ed ils politichers dal cussegl grond. Els discuteschan actualmain la nova lescha da scola. Il Minisguard declera ils arguments per ils idioms e quels per il rumantsch grischun.
È l'englais propi "cool" per ils uffants da la scola primara?
Dapertut datti discussiuns, dad instruir l'englais gia en la scola primara. È quai propi "cool" d'emprender quest linguatg ester uschè baud sco pussaivel?
Il cussegl grond ha decidì ch’ils cudeschs da scola na duajan betg vegnir edids mo en rumantsch grischun, mabain era en ils idioms. Questa decisiun plascha ad intgins ed ad auters n’insumma betg. Il Minisguard ha vulì savair independentamain da la decisiun, da tge cudeschs che quai sa tracta ed uschia visità il linguist da la Lia Rumantscha, Daniel Telli, che lectorescha ils cudeschs da scola.
Tadlar la contribuziun da Mirco Manetsch...
Enconuschais vus ils differents idioms ed il rumantsch grischun? Tuts tunan different e tuttina in zic medem. Savais vus co els tunan? Tadlai ils tuns qua sut ed empruvai d’engiavinar tge idiom che vegn discurrì, ubain sche quai è rumantsch grischun.
© 19.06.2013 Simsalabim
