La fin da l'onn n'è betg dapertut ils 31 da schaner
La fin da l’onn festivain nus ils 31 da december. Dentant n’è quai betg sin l’entir mund uschia. La raschun persuenter èch’i dat differents chalenders da l’onn e differents sistems da quintar ils dis sin il mund.
1. Chalernder Gregorian
Il chalender gregorian è il chalender che nus havein e quel vegn duvrà il pli savens sin il mund. El finescha ils 31 da december ed cumenza ils 1 da schaner. Quai chalender ha 365 dis, 12 mais e 52 emnas. En il chalender gregorian numnan ins il davos di da l‘onn Silvester.
2. Chalender chinais
Tar il chinais è la fin da l’onn tranter ils 21 da schaner ed ils 21 da favrer. Il di vegn fixà sin il di ch’igl è nova glina. Spezial tar il chalender chinais è ch’ils onns han in num d’in animal. Per exempel l’onn 2011 era l’onn da la lieur e l’onn 2012 è quel dal dragun.
- Songkran, festa da Bunmaun
3. Chalender tailandais
Per ils tailandais va l’onn a fin ils 13 d’avrigl. Pli baud festivavan els il davos di da l’onn tenor la glina. Quai è era per els il cumenzament da la primavaira. Ella è per ils tailandais il simbol per in nov cumenzament.
4. Chalender giudaic
Ils gidieus ston anc spetgar in mument avant ch’els pon festivar il davos di da l’onn. Tar els mida l’onn pir il settember. Quella data è la fin da l’onn perquai che l’istorgia religiusa e raquints dian che l’onn va lura a fin. Il di exact variescha. Il chalender dals gidieus ha 12 mais da 29 e 30 dis.
5. Chalender islamic
Tar l’islam datti insumma nagina data fixa. Perquai ch’il chalender correspunda al ciclus da la glina è il chalender mintg’onn 11 dis pli curts. Tut tenor lunghezza da las fasas da la glina han ils 12 mais 29 u 30 dis.