Scolars da Trun fan mascras per il til da tschaiver
Il tschaiver è avant porta è dapertut vegn i sa preparà per il temps dals nars. Bleras scolas s’engaschan per il tschaiver e sa participeschan als tils tradiziunals dals vitgs. Uschia era la scola da Trun. Nus avain visità la quarta classa primara durant la lecziun da dissegn per fufragnar quant lunsch che els èn cun las mascras e sche els sa legran insumma sin il tschaiver.
Taidla la contribuziun dad Angela Hitz
Mascras per tschaiver
Ti dovras: palpiri, plat da chartun e rests per decorar
La mascra: Uffants pitschens zambregian fitg gugent. Cun palpiri, chartun e plat da chartun ed auters rests pon ins zambregiar fitg simpel ina mascra. Qua sut singuls exempels per uffants tranter 3 e 5 onns.
En il plat da chartun vegn taglià ina fatscha e silsuenter cumenzà la decoraziun. Il plat da chartun pon ins tagliar en la furma giavischada. Tagliar en egls, nas e bucca e decorar tenor gust.
Stab da musica
Ti dovras: in bischenet da spediziun (ca. 8 x 80 cm), 500 g lentas e 200 g guttas (ca. 4 cm lungas) ed in martè
Pitga en cun il martè las guttas en il bischen. Sche pussaivel en ina ritscha che va en furma da spirala enturn il bischen. La distanza tranter duas guttas duai esser ca. 2 cm. Silsuenter anc far ina segunda spirala en ina distanza da 2 cm (guarda dissegn). Serra d’ina vart il bischen cun il viertgel. Da tschella vart pos ti uss emplenir il bischen cun las lentas. Uss pos ti serrar er questa vart dal bischen. Uss è tes stab da musica pront.
- RTR
