Naiv
Ün pop da naiv
Ün pop da naiv, ün pop da naiv,
Suot bratsch ün pal giò d’üna saiv,
Pachific, sainza as schmuantar,
Sta’l qua e guard’ad ün guardar.
Sün cho ha el ün chapeun,
Ed aint in buocha ün püppun,
Uschè il pop sta di e not,
Nu mangia zist, ne crü, ne cot
(Cudesch per nos pitschens 1; Chanzunettas e Versets ; terza ediziun 1963)
Sülla rain da la saiv
Sülla rain da la saiv
as placha la naiv
ma quel chazzer sulai
disch subit: vè cun mai
e piglia la naiv
davent da la saiv -
e la saiv be suletta
sta quia e spetta
chi’s placha la naiv
darcheu sülla saiv.
(Cupicharoulas: Hoppahajas, versins e chanzuninas, Lia Rumantscha, Cuira 2011)