Da quai e da tschai
Tun, tun, tun
Tun, tun, tun
trais giuvnettas sün balcun,
üna taglia, üna cusa,
üna fa’l büschmaint da spusa.
(Cudesch per nos Pitschens I, Chanzunettas e Versets)
Hoppa, hoppa, haja
Hoppa, hoppa, hea,
meis bap ha nom Andrea
mia mamm’ha nom Annetta
chi mangia tuot suletta.
Tirliti e tirlitè
Tirliti e tirlitè
mincha chomma ha ün pè
tirlitamma tirlitomma
mincha pè ha üna chomma.
Pè, pè drumanzà
Pè, pè drumanzà,
porta fain in meis tablà,
porta fain e porta strom,
cha la vacha grisch’ha fom.
Zinga, zinga
Zinga, zinga, zanga
Martin es sülla stanga,
la stanga d’eira ruotta,
Martin nu val’inguotta.
Paparella
Paparella crescha bella,
schi at dun ’na bratschadella.
Paparella: crescha bain,
schi at dun ün bun püschain.
Bim, bam
Bim bam sain mezdan
fuatschas grassas nan da Ftan
saramonas vi Ardez
bratschadellas sü Zernez
biscutins nan da Lavin
bom bam bim
ruot las coppas dal taschin!
L'uffant sezza sün bratsch e guarda in fatscha a la persuna chi til tegna. Quella til nina inavant ed inavo e til lascha ir precautamaing giò per terra cur ch'ella disch "ruot las coppas..."
Süsom la vallaina
Süsom la vallaina
là stan ils nanins,
ramassan la laina
da larschs e da pins.
I cuorran invia
i cuorran innan,
ün chanta, tschel ria
fingià la daman.
Mo lura la saira
fan tuot ils nanins
sül fö pancumpaira
per gronds e pitschnins.
(Cupicharoulas: Hoppahajas, versins e chanzuninas, Lia Rumantscha, Cuira 2011)