Princessas, dialas, clowns e cowboys a Vella
Dumengia suentermezdi, ils 15-02-2009 è Vella vegnì tschiffà da la fevra dal tschaiver. Ina massa persunas, pitschen e grond, da l’entira Lumnezia èn sa radunads al tschaiver a Vella, il qual l’uniun da dunnas da Vella ha organisà.
Ils pitschens eran tuts costumads e colurads, ins ha vis bellezza figuras da princessas, dialas, clowns, differents animals, pumpiers, cowboys euv. La musica da tschaiver Las Latiarnas da Danis/Tavanasa han procurà per il ritmus da tschaiver ed uschia han els era dà en il tun al til. Il til ha manà davent dal plaz cadruvi enfin tar las pendicularas a Pellas e puspè enavos. Suenter il til hai dà blera musica da tschaiver, petta e da baiver en la halla da scola a Vella e là ha la parti da tschaiver cuntinuà. Er il Simsalabim è stà da la partida ed ha rimnà intginas impressiuns. Clicca sin la foto giusut per gaurdar las fotos.
