Tge plattas nairas è quai sin il tetg?

Sin tetgs ves’ins differents indrizs per nizzegiar il sulegl. Il pli enconuschent èn las cellas solaras per producir electricitad. Dentant, ils blers indrizs vegnan duvrads per stgaudar aua.

(1)
Atras il collectur da sulegl cula aua. Sch’il sulegl splendura sin ils collecturs, alura sa stgauda l’aua en ils collecturs.
(2)
Cura chel’aua è alura chauda avunda, tschitscha ina pumpa l’aua stgaudada ord ils collecturs da sulegl viaden en chasa. L’aua stgaudada en ils collecturs na pon ins betg duvrar direct per cuschinar u per sa lavar. Pertge en quest’aua èsi era in liquid che na lascha betg schelar l’aua.
(3)
Il stgamiader da chalur baratta la chalira en l’aua dals collecturs sin l’aua en chasa ch’ins dovra per cuschinar u per sa lavar. Quai funcziuna tuttina sco sch’ins mettess in magiel aua fraida sin pigna.
(4)
Uschia perda l’aua dals collecturs la chalira e turna puspè fraida enavos en ils collecturs. Là vegn ella puspè stgaudada ed il ciclus  cuntinuescha/va vinavant. L’aua en chasa pon ins ussa duvrar.

(1)
Sch’i dat sulegl sin las cellas solaras, produceschan ellas electricitad. Quai schabegia perquai che materials reageschan differentamain sin ils radis dal sulegl.
(2)
L’electricitad che las cellas solaras produceschan, è in toc pli flaivla che quella ord la bischla da contact. E perquai dovri in apparat che transfurma l’electricitad da las cellas solaras en la medema sco quella da la rait.
(3)
Quella energia che na vegn betg duvrada en chasa mabain vendida. Per exempel sch’i dat sulegl ed ins è sez davent. Uschia va l’electricitad en la rait ed ils possessurs survegnan raps persuenter.
(4)
Normalmain dovra ina chasa dapli electricitad che quai che las cellas produceschan sin ses tetg.. Questa energia vegn ord la rait sco tar ina chasa senza cellas solaras. La rait d’electricitad è sco  in reservar, nua che tut l’energia vegn rimnada ed alura repartida. Aschia savess era energia producida dad autras cellas solaras esser tranteren.