Simsalabim porscha la pussaivladad da copiar e tadlar Fiutsch & Calli sco Podcast. Attractiva è questa pussaivladad per copiar l'emissiun sin in MP3-Player e pudair tadlar ella cura e nua che vus vulais. Cuntrari al download normal, vegn il service da Podcast offrì en abunament. Emissiuns novas survegnis automaticamain. L'abunament è adina gratuit.

Vus duvrais ina software ch'è abla da copiar e d'administrar ils Podcasts. Tals programs che vegnan savens numnads "Podcatcher", chattais sin l'internet. Perquai ch'el lubescha ina colliaziun directa tar Apples MP3-Player, è iTunes dad Apple fitg derasà. A disposiziun stat dentant ina gronda schelta d'alternativas ch'èn adattadas en spezial per utilisaders d'auters MP3-Player.

Per far quai duvrais vus il link cun il qual vossa software po chattar ils documents dad audio per copiar. Cliccai cun la tasta dretga da vossa mieur sin il segn MP3 e selecziunai "Verknüpfung kopieren". Cun vossa software installais in nov abunament Podcast. Sche vus vegnis supplitgads d'inditgar vossa adressa, integrai il Link inditgà. La software controllescha l'adressa ed iniziescha il download per il solit automaticamain.