Per ils uffants en l'ospital chantunal a Cuira èsi stà in di extraordinari. Durant 5 uras han 15 pazients emprendì da malegiar grafits.


Pazients en l'ospital han savens lungurus. Lur mintgadi è per il solit grisch. L'ospital chantunal a Cuira ha dà colur a quella rutina. Sin la staziun d'uffants èn vegnids malegiads grafits.15 pazients han durant 5 uras emprendì da malegiar grafits, e quai sco ils profis fan, numnadamain cun vapurisaders da colur. Sco punct culminant han ils uffants lura dastgà mussar tge ch’els han emprendì ed han pudì colurar ina paraid da l’ospital chantunal ensemen cun in artist da grafits.