«Mes num è Spick ed jau sai ussa era rumantsch»

Il Spick ina gasetta per uffants datti dapi 30 onns. Enconuschenta è quella oravant tut tar ils uffants en la svizra tudestga. Mo quai è ussa auter.

Blers uffants sa legran ina giada per mais da chattar en la chascha da brevs il Spick – in magazin per testa finas che vegn fatgs tar ina chasa editura a Son Gagl. Igl è in cudeschet che cuntegn artitgels davart animals, cun respostas sin interessantas dumondas, sgnoccas, engiavineras e concurrenzas. Enfin ussa devi quel mo en tudestg, mo davent dal settember datti il Spick era en lingua rumantscha. Quai cun artitgels en rumantsch grischun u lura era en ils differents idioms rumantschs. Per rumantsch datti il Spick perquai ch’il chantun Grischun dat daners per pudair far las translaziuns.