Viver cun il sindrom Down
Ils 21 da mars è stà il di mundial per umans cun il sindrom da Down. In di che duai far pli enconuschent il sindrom e reducir temas. Il Radio e Televisiun Rumantscha han visità duas giuvnas che han il sindrom.
Sabrina - autra tranter ils auters
Sabrina ha 13 onns, ella gioga ballape, suna orgla da maun ed ha fitg gugent animals. Sabrina va en l'emprima reala a Pasqual. Nagut spezial? Sabrina è tut speziala! Ella è ina pioniera. Sabrina ha il sindrom da Down ed è l'emprim uffant cun sindrom da Down che va en ina classa regulara sin il stgalim aut en il Grischun. Tgi è Sabrina e co funcziuna quai cun l'integraziun dad ella en scola? Nus avain visità Sabrina - a scola ed a chasa.
Taidla "La marella" da Chatrina Josty...
Infurmaziuns davart il tema sindrom Down datti qua:
- Insieme 21: La pagina per famiglias pertutgadas e persunas interessadas
- Hipp, Hopp und Hoppla - in cudesch per uffants sur dal sindrom da Down
Ursina Niggli - giuvna cun il sindrom da Down
Cura ch'Ursina Niggli da Segl è ida en l'emprima classa è ella era stada ina da las piunieras. Avant 9 onns è ella stada in dals emprims uffants cun impediment ch'è stà integrà cumplainamain en ina scola dal vitg en il chantun Grischun. La Televisiun Rumantscha aveva visità alura Ursina Niggli. Ussa ha la Televisiun Rumantscha puspè visità ella.
