Velo cun bler pedaleras
Tge giavischa in verm da milli chommas sin natalizi? In velo cun 1000...
Il giat nair
Di a mi, è quai vair, ch'i porta discletg da cruschar cun in giat nair sin via? Gea, dentant be sche ti ès era ina mieu!
L'anghel
Ina pitschna mieur vesa in utschè-mezmieur a sgulond. Ella cloma: “Guarda mamma, in anghel!
Quant grond è in chamel?
En la lecziun da biologia dumonda il magister Anton: “Quant gronds è in chamel?” “Betg pli gronds che Vus!” respunda Anton. “Sco vegns ti sin quai?” vul il magister savair. „Ach,“ di Anton „mia mamma di adina, in pli grond chamel che voss magister da biologia na datti betg!”
La tuba da dents
La pitschna Clara vegn tut agitada en cuschina; “Mamma, mamma, sas quanta pasta da dents che ha plaz en ina tuba?” “Hmm, quai è grev da dir...” di la mamma. Sin quai di Clara: “Jau hai gist pruvà ora quant: dapli che 4 meters!”
Las cifras e la moda
Ina nulla scuntra in dad otg. Di la nulla al dad otg: "Schica tschinta!"
Anniversari
Melissa dumonda ses bab: "Bab, cura sun jau naschida?" Il bab respunda:"Ils 25. d’avust, mia chara." Melissa giubilescha. "Uschè ina casualitad! Precis da mes anniversari!"
Nova cultivaziun da tartuffels
Dus purs sa scuntran sin lur terren. Be empè cun il tractor usità arriva in dad els cun la splattitscha a vapur! Sinaquai dumonda l’auter tut surstà: “Tge fas ti er pomai cun ina splattitscha a vapur?” Sinaquai respunda l’emprim: “Rimnar tartuffels è vegnì memia idiotic e lungurus a mai, jau cultivesch ussa buglia da tartuffels!"
Ballape e tennis
Manegia il trenader da ballape tar il coach da tennis: “Il meglier barattain nus ils noss giugaders. Ils mes tutgan betg en la rait ed ils tes tutgan be trasora en la rait”.
Strivlas
En in zoo contempla in elefant in zebra. Suenter in mument di el: “Ils designers da moda han raschun: strivlas fan satigl”.
Pover chaun
"Di a mai Flurin, pertge has ti dà num a tes chaun “vegl cugliun”? Flurin respunda: “Quai ord spir spass. Sas ti quanta glieud sa volva sch’jau clom mes chaun “vegl cugliun”?”
Medems sbagls
La scolasta constatescha “Cristian, ti has ils medems 10 sbagls en il dictat co tes vischin da maisa. Pos ti declerar quai a mai?” Sin quai di Cristian. “Gea, fitg simpel. Nus avain la medema scolasta!”
La dretga resposta
La mamma vegn a chasa. Ella dumonda il figl: “È insatgi stà quà?”. Il figl: “Gea”. La mamma vul savair: “Tgi?”. La resposta dal figl: “Jau”. La mamma manegia silsuenter: “Na, jau vuless savair sch’insatgi è vegnì?”. Il figl respunda: “Gea, ti!”
Gionin
Gionin vegn a chasa da la scola e raquinta a sia mamma: "Mamma, jau sun crudà dad ina stgala ch'era 4 meters auta!" La mamma tut spaventada: "Betg da crair e ti n'has betg fatg mal?" Gionin: "Na, jau sun stà sin il prim stgalim da la stgala".
Sin la plazza da pausa
Mona dumonda sia amia Renata: "Na vul ti betg far giu la paletscha da la banana avant che mangiar ella?" "Pertge", dumonda Renata, "jau sai tge ch'è lien".
Lottaria
Signur Demarmels ura tar Dieu: "Per plaschair dai a mai er la pussaivladad da gudagnar insatge cun in bigliet da lottaria!" Qua respunda Dieu: " Lura dai a mai er la pussaivladad e cumpra ina giada in bigliet da lottaria!"
En scola
Il scolast dumonda: "Gian, tge tschintg animals che vivan en l'Africa pos ti numnar?" Gian: "dus elefants e trais liuns".
In cudesch
Maja visita ses tat. Il tat di a Maja: "Mia chara biadia, sin pasca dastgas ti giavischar da mai in cudesch!". Super tat, lura avess jau gugent tes cudesch da spargn!".
Emprender
Scolasta: "Lisa, ti vegns danovamain memia tard!" Lisa: "Gea, dentant vus schais adina - per emprender èsi mai memia tard!".
1:1
Il giuven profi da ballape vegn losch a chasa: "Jau hai sajettà oz dus gols!". "Bravo", di il bab e dumonda. "E co è il gieu i a fin?" "1:1!".
Manchentà il tren
Signur Durschei vegn senza flad sin il perrun. "Tschiff jau anc il tren che va a Cuira?", dumonda el in emploià da viafier. "Quai dapenda quant spert che vus pudais currer. Partì è il tren avant quatter minutas...!"
En scola
Il scolast dumonda Philip: "Tge tschintg pleds dovran ils scolars il pli suvens en scola?" Philip: "Quai na sai jau betg!" Scolat: "Gist!"
Giat e mieur
Pertge han giats gugent computers??? ....pervi da la mieur!
Tar il coiffeur
Il coiffeur: "Plaunet vegnan voss chavels grischs." Clienta: "Betg da smirvegliar tar voss tempo!"
En in'apoteca
Ina dunna va en in'apoteca e di: "Jau dovrel insatge cunter plugls." L'apotecher: "Per uffants u per creschids?" La dunna: "Jau na sai betg quant vegls che quels parasits èn!"
En il bogn
Ina dunna dumonda il guardiabogn: "Datti qua er medusas?". Sin quai dì il guardiabogn: "Fitg paucas. Las bleras vegnan mangiadas dals squagls".
Postin
Martin di a ses bab: "Sche ti dattas a mi 10 francs lura ditgel jau a ti tge ch'il postin di adina a mamma." Il bab dat a Martin ils 10 francs e di. "So ed uss dis ti a mi tge ch'il postin di!" Martin: "Bun di, dunna Caduff, qua è vossa posta".
Raviolis
Figl: "Bab, pertge han raviolis atgnamain num raviolis?" Bab: "Tupa dumonda. Els vesan or sco raviolis, gustan sco raviolis. Pertge na duessan lura raviolis betg avair num raviolis?".
Scolast da matematica
Martin è vilà sin ses scolast da matematica: "Jau sun er betg adina cuntent cun vus, dentant, sun jau pervi da quai gia ina giada ì tar voss geniturs?".
Dumengia
Susi raquinta a sia amia: "Mes pitschen frar vegn battegià dumengia!". Sin quai l'amia: "Dumengia? Tge tgutg num!"
Spievel
Vul ti runiar tes di, lura stoss ti la damaun be guardar en in spievel.
Toni vul maridar
Toni dumonda ses bab: "Ti bab, pos jau maridar la tatta?". Il bab rispunda: "Na, ti na pos betg simplamain maridar mia mamma! " Sinaquai Toni: "Pertge betg? Ti has era maridà mia mamma!"
