Scolars da Puntraschigna registreschan gieus auditivs
Suenter che la segunda classa da Sumvitg è stada tar RTR a registrar sias istorgias è uss era la 5avla classa da Puntraschigna stada sin visita. Las 25 scolaras e scolars han durant in mez di registrà lur gieus auditivs ch’els han scrit.
Scrit hani 6 gieus auditivs da differents temas. Davent dal crimi, sur istorgias d'orrur fin istorgias d’amur. Sco la scolasta Marina Janett ha ditg, hajan las scolaras e scolars da la 5avla classa dà tut da scriver las istorgias ed hajan gì grond tschaffen. Quai han ins lura era udì durant las registraziuns.
Taidla il discurs cun Nino, Curdin e lur scolasta Marina Janett...
Ils scolars n’han betg simplamain scrit concepts. Na, la 5avla classa da Puntraschigna ha scrit gieus auditivs. Els raquintan era co ch’i han scrit e preparà quels.
Taidla la contribuziun d'Angela Hitz
Las istorgias
In dals 100 cas da Martin era...
L'internat cun ils secrets sgrischaivels
