Scriver è cool!

Simsalabim ha puspé lantschà l'acziun "Scriver è cool". Scolaras e scolars da las scolas primaras rumantschas pon scriver istorgias/gieus auditivs e la fin finala registrar questas istorgias en il studio dal Radio Rumantsch. Cun tecnicist e tut quai che s'auda latiers, gist sco tar ils gronds. Ils uffants ch'han ils davos dus onns pudì far las experientschas cun scriver e registrar èn stads intgantads. In'offerta exclusiva mo per ils uffants da linguatg rumantsch.

Uffants da differentas scolas primaras èn stads tar Radiotelevisiun Svizra Rumantscha per registrar gieus auditivs. Tut quai en in studio professiunal, in'experientscha unica. Qua pudais vus guardar fotos e tadlar las istorgias da las scoals registradas 2010/2011:

• Cunter 2011
• Zernez
• Cuira
• Scola Rabius/Sumvitg
• Puntraschigna
• Salouf
• Cunter 2010
  

Avais era interess da scriver e registrar istorgias, lura annunziai per plaschair vossa participaziun a:

Radiotelevisiun Svizra Rumantscha
Simsalabim
Via da Masans 2
7002 Cuira

u via e-mail a claudia.cathomen(at)rtr.ch