Disney preschenta cun "Rapunzel – Neu Verföhnt" in film d’aventura da paraulas cun blers muments divertents, bella musica e caracters da rir. Il 50avel film da maletgs animads fascinescha. In film cun blera comica per l’entira famiglia.

Flynn Rider è in lader sco ord il cudesch. Scharmant ed adina sin la fugia. El è  dentant adina in pass avant ses persequitaders. Cura ch’el chatta in di sin la fugia ina tur en il guaud,  fa el ina surpraisa pailusa. Là scuntra Flynn Rider ina mattetta cun chavels blonds, lungs e glischants. La mattetta po pigliar il lader cun ses chavels e renta el vid la sutga. Rapunzel vul fugir ord la tur. E qua cumenza l’istoriga da sa differenziar da la paraula. Il duo po passentar bler aventuras curiusas e leghras.