Scuvrir la natira e viagiar cun Pico
- Preschentaziun dal cudesch "Pico" a Curaglia.
En la Val Medel datti ina senda da senns. Quella cumenza e finescha a Curaglia. Per accumpagnar uffants e geniturs sin la senda ha il pictur artist Linus Flepp creà la figura da Pico, in pitgalain.
Per animar uffants e geniturs da viagiar e scuvrir la natira han Linus Flepp e Bistgaun Cathomen ussa era edì in cudesch d’uffants cun il pitgalain Pico. Il cudesch cuntegn istorgettas dal pitgalain che sa far striegn. I sa tracta d’istorgias da la regiun e dals animals che vivan en quella regiun. Era per ils maletgs en il cudesch è l’artist sa laschà inspirar da la Val Medel.
Il cudesch pon ins cumprar en las librarias ni directamain tar ils auturs.
