Las pli bellas paraulas da Grimm - nov dc en la retscha TOP KIDS
Radiotelevisiun Svizra Rumantscha (RTR) e la Lia Rumantscha (LR) publitgeschan cun lur nov disc da la seria TOP KIDS in classicher, numnadamain quatter paraulas enconuschentas dals frars Grimm.
L’onn 1812 han ils frars Jacob e Wilhelm Grimm edì l’emprim tom cun paraulas per uffants cun il titel "Kinder- und Hausmärchen". Quatter da las paraulas las pli popularas cumparan ussa sin il 16avel disc da la seria TOP KIDS da RTR e da la LR: Alvetta, Il retg-rauna, Maisina, t’emplaina! e La chapitscha cotschna. La raquintadra Flurina Badel maina en in mund magic, nua che raunas daventan prinzis, asens chajan aur e lufs san discurrer.
Trailer: Tgi è la pli bella da quest mund?
Concurrenza "Las pli bellas paraulas da Grimm"
Nossa dumonda: La regina seseva davant la fenestra e cusiva. Suenter curt ha ella furà en in det. Quants daguts da sang èn crudads en la naiv? La dretga resposta è stada: trais daguts da sang.
Jael Steiner (2 onns) e Samira Garcia (7 onns) han gì fortuna e gudognan mintgamai in disc cumpact da las pli bellas praulas da Grimm. Nus gratulain e giavischain bler plaschair cun tadlar las istorgias dals frars Grimm.