Sin terra
Dapi 60 onns salva la REGA carstgauns en miserias. Saja quai en la muntogna, en la Bassa, ubain sut circumstanzas era persunas che sa chattan en ospitals en l'exteriur. Tut quai fa la REGA cun aviuns e helicopters. Mo era quels dovran adina puspè ina pausa e revisiuns. Il Minisguard visita la basa principala sin la plazza aviatica a Kloten e guarda tge lavurs ch'igl è da far sin terra.

Sut controlla
Il pievel da la Siria sto avair tema da lur president Assad. Tut tgi ch'è encunter el vegn mess en praschun ubain perfin mazzà. Il plan da pasch da l'ONU, l'Organisaziun da las Naziuns Unidas, duai garantir pasch en la Siria. Perquai visitan observaturs da l'ONU la Siria e discurran cun la glieud. Vinavant ha l'ONU introducì sancziuns encunter la Siria. Muntan sancziuns ch’ils abitants da la Siria ston anc endirar dapli?