L’urs è puspè turnà en nossas valladas. Dentant, nua è el sa zuppà? En il Minisguard giain nus a la tschertga da l’animal stgarpant. Plinavant vulain nus savair da tge urs ch’i sa tracta insumma. Perquai stuain nus far in test da DNA. Mo tge è quai? Il Minisguard ha la resposta. En pli datti natiralmain la contribuziun dal campiunadi mundial da ballape.

L’urs è returnà en il Grischun. El va per ils guauds enturn en tschertga insatge da mangiar. Pudì tiers ha el er intginas nursas. Chapaivel che quai na plascha insumma betg als purs. Ils ultims dis n’han ins dentant ni vis ni udì insatge da l’urs. Nus giain perquai a la tschertga dal grond animal stgarpant. Per survegnir ulteriuras infurmaziuns sur da l’urs pon ins prender intgins pails da l’urs e far in test da DNA en in labor. Nus declerain tge che la DNA è insumma.

L'emna passada avais vus pudì giavischar ina contribuziun en connex cun il campiunadi da ballape. Vus avais gì la schelta tranter las suandantas propostas: daco ch'igl è fraid en l'Africa dal Sid, il pastg da las plazzas da ballape u l'offside. Giusut pudais guardar tge contribuziun ch'ils blers da vus han giavischà.