Minisguard dals 21-01-2012
Il privel d'ina catastrofa d'ieli
Tras la havaria dal bastiment "Costa Concordia" datti in grond privel d'ina catastrofa d'ieli a la costa da l'Italia. Pertge na sfundra l'ieli betg e pertge è el uschè nuschaivel per l'aua e la mar? Il Minisguard declera pertge che l'ieli e l'aua na sa cumportan insumma betg.
Il di mundial da l'um da naiv
L'um da naiv è il simbol per il plaschair vid la naiv. Perquai dovra la regiun da vacanzas Viamala l'um da naiv per far reclama per ses territori da vacanzas. Ella ha organisà ina concurrenza dad umens da naiv. Ils uffants da las scolinas da la Mantogna sa participeschan era a questa concurrenza. Els emprovan da construir il pli bel um da naiv ils 18 da schaner. Quai di è il di mundial da l’um da naiv.
Organisaziun d’ina evacuaziun d’in bastiment
Il venderdi avant in’emna è il bastiment da cruschada Costa Concordia collidà cun in grip a la riva da la mar ed è cupitgà. 4200 persunas han stuì bandunar il bastiment. Mo co san ins tge ch’igl è da far en in tal cas per salvar tut las persunas a bord dal bastiment? Nus avain discurrì cun la marinara Nadia Scarpatetti.
Tadlar la contribuziun da Gion Hosang...
Co fa dunna Holla naiv
L’enviern scrolla dunna Holla il plimatsch per ch’i naivia tar nus – uschia è quai almain en la paraula da dunna Holla. Mo en realitad n’èsi sa chapescha betg dunna Holla che fa ch’i naiva. Tge capita pia ch’i dat scrottas da naiv giu da tschiel?