Minisguard dals 14-01-2012
Il test da scarsolar
Sin tge scarsola ses'ins il meglier, tge bob è il pli spert, cun tge apparat èsi il meglier da scarsolar? Ensemen cun nossa experta Floriana Caspar fa il Minisguard il test da scarsolar.
La rolla da las medias
Ils rapports da las medias pon avair grondas consequenzas. Il Minisguard mussa tge ch'è la rolla da las medias.
Tgi gudogna la cursa? Mirco u Floriana? Guardai il film!
Far ora naiv tar la viafier
Las ultimas emnas han ils manischunzs da farguns da naiv gì blera lavur per tegnair liber las vias. Betg auter èsi stà tar las viafiers. Ussa suenter che las grondas navadas èn rumidas davent ha il redactur Gion Hosang guardà sur las spatlas d’in dals teams da la Viafier Matterhorn Gottard che tegna liber il tschancun tranter Mustér ed il Pass da l’Alpsu.
Tips per scarsolar ed ir cun bob
Scarsolar u ir cun bob quai è cool. Ma magari n’è quai betg uschè simpel. Co manar la scarsola? Ed anc pli impurtant, co franar? Nus avain dumandà l’experta Floriana Caspar. Ella venda scarsolas a Savognin.