Minisguard dals 05-11-2011
La Laterna Magica - kino per uffants
La Laterna Magica è kino per uffants. Creschids na dastgan betg entrar en la sala da kino durant il film per uffants ed avant il film datti in curt teater ch'explitga e gida da chapir il film. Quai è la Laterna Magica, il program da film che vegn mussà regularmain a Tusaun. Il Minisguard ha visità la preschentaziun a chaschun dals dis da film mundials.
Co funcziuna il touchscreen?
Tgi na posseda betg in IPhone, in Ipod Touch u in auter apparat ch'ins po manipular cun la detta. Mo co funcziunan quels touchscreens insumma? Il Minisguard declera.
Discurrer cun il telefonin
Dictar in text e dar cumonds al computer quai pon ins gia daditg. La tecnica per far quai n’è betg nova. Mo duvrada vegn questa pussaivladad anc betg savens. Quai pudess dentant sa midar. Cun il nov telefonin dad Apple – igl iPhone 4S han ussa blers questa tecnologia en giaglioffa. Funcziuna quai propi e co funcziuna quai insumma?
Tadlar la contribuziun da Gion Hosang...
Nus avain laschà empruvar ora las collavuraturas ed ils collavuraturs da Radiotelevisiun Svizra Rumantscha l'applicaziun SIRI ch'è sin il nov iPhone. Guardai sez sche SIRI chapescha tut ils cumonds u na.
Ils telefonins moderns – ils cumpogns per curturella
Ch’il telefonin sa dapli che mo telefonar, quai savais vus segir. Interessant èn bain ils gieus che sa chattan sin quels u ch’ins po installar. Quels procuran per curturella. Tips per intginas applicaziuns ch’ins po installar sin il telefonin datti qua.
