Mumentan tut che giauda ils bels e chauds dis da stad. Tuttina èsi da far attenziun dals radis dal sulegl. Proteger la pel per ch'ins na vesia betg or sco in giomber. Pertge datti arsentadas dal sulegl? Il Minisguard declera.

En l'Engiadina han ins pudì contemplar aviuns da cumbat da la segunda guerra mundiala. Nus mussain intginas impressiuns.

Il Minisguard ha chattà la pli gronda flur-sulegl. Nus avain visità il victur da nossa concurrenza.

Ed er questa giada na manca il ballape betg en noss'emissiun.

La plazza aviatica en l'Engiadina ha preschentà en il rom da 100 onns aviatica insatge tut spezial, numnadamain l'Engiadina Classics. Ins ha pudì admirar models d'aviuns tut spezials, en pli era autos tut spezials e rars. Per exempel aviuns da cumbat da la segunda guerra mundiala. Il Minisguard mussa intginas impressiuns.  

L'emna passada avais vus pudì giavischar ina contribuziun en connex cun il campiunadi mundial da ballape. Vus avais gì la schelta tranter las suandantas propostas: Il ballape e las dunnas, Vuvuzela u il tricot da ballape. Giusut pudais guardar tge contribuziun ch'ils blers da vus han giavischà.

Uss pon ins giudair dis chauds, dis da bellezza. Bleras persunas giaschan e sa volvan l'entir di suenter il sulegl. Quai per survegnir ina pel bel brina. Dentant, mintgatant cun ina surpraisa la saira. Enstagl da pel brina e la pel tut cotschna. Ina uschenumnada arsentada dal sulegl. Daco brischa il sulegl nossa pel? Il Minisguard ha la resposta ed ultra da quai era intgins tips co sa proteger dal sulegl.

Tge flur vala sco la regina da las flurs? Cler, la rosa. Gist ussa glischan e traglischan quellas en tuttas colurs. Mo co èsi la fin d'avust? Lura fa in'autra flura gronda parada, numnadamain la flur-sulegl. Questa flur avain nus elegì per nossa concurrenza. Il Minisguard ha visità quel u quella che ha gudagnà, senza ch'el u ch'ella sappia insatge da sia victoria.