Nov DC – Lilli e Squamet - TOP KIDS vol. 15
"Lilli e Squamet". Uschia sa numna il nov gieu auditiv per uffants da Radio e Televisiun Rumantscha (RTR) e da la Lia Rumantscha (LR). "Lilli e Squamet" è in’istorgia da l'autura Cornelia Funke.
Lilli e Squamet
Lilli è in pitschen nixin fitg curaschus. Perquai vul ella era far termagls davant las portas da la citad da las nixas. Ses meglier ami Squamet n’è insumma betg intgantà. Sias squamas piztgan da nar, sco adina cura ch’i daventa privlus. Ma Lilli na vul betg restar en la citad. Vi da creatiras cun duas chommas ed octopus na crai ella tuttina betg. Ma questa giada entaupan ils dus amis il sutmarin "Diavel da la mar" e signur e dunna Bavrola ch’èn a la chatscha da nixins per lur aquari. Qua èsi tuttina fitg bun ch’i dat vairamain era l’octopus ...
Il nov disc cumpact fiss gist in cool regal da Nadal! Empustar il disc cumpact pon ins en la butia da Radiotelevisiun Svizra Rumantscha.
Concurrenza "Lilli e Squamet"
Nus avain dumandà: Co ha num il sutmarin ch'ils dus amis entaupan? La dretga resposta è stada "Diavel da la mar".
Silja Montalta (4 onns) ha gì fortuna e gudogna in disc cumpact da "Lilli e Squamet". Nus gratulain e giavischain bler plaschair cun tadlar l'istorgia.
