In dus treis
In dus, treis
In dus treis,
las cauras ein per peis!
Quater tschun sis,
jeu magliel buca ris!
Siat otg nov,
la vacc’ei buc in bov!
Diesch endisch dudisch,
il prer ha piars il cudisch!
Tredisch quitordisch quendisch,
la gaglina stat sigl endisch!
Sedisch gissiat schotg,
jeu giavischel ina buna notg.
(Cudischs per nos pigns I, Canzunettas e Versets, Ligia Romontscha Cuera 1946)
In dus, treis
In, dus, treis,
plaun ei buca teis,
freid ei buca cauld,
tard ei buca baul,
dir ei buca lom,
fein ei buca strom.
(Tgaubrochels: Hoppaheias, versets e canzunettas, Lia Rumantscha, Cuira 2011)