Il tartuffel chaud

Il gieu: Tut ils uffants sa repartan en la stanza. In uffant tegna il tartuffel enta maun. Enzatgi sto laschar ir la musica ed ils uffants chaminan tras la stanza. L'uffant cun il tartuffel enta maun dat u bitta il tartuffel ad in auter uffant. Quai uffant sto uss pigliar il tartuffel e bittar u dar uschè spert sco pussaivel vinavant il tartuffel. Fugir na vala betg. Il megler è, sche l'uffant cun il tartuffel cloma l'emprim il num da l'uffant che duai pigliar quel. Na po l'uffant betg pigliar il tartuffel e quel croda per terra, sto quest uffant prender si il tartuffel. Il gieu cuntinua. Suenter in temp sto la musica vegnir serrada giu. Per l'uffant che ha uss il tartuffel enta maun è il gieu a fin, el è exclus. Bittar davent il davos mument il tartuffel u clamar in num d'in auter uffant na vala betg.

Suenter vegn la musica puspè messa en funcziun ed il tartuffel vegn dà vinavant. Il gieu cuntinua uschè ditg fin che be in sulet uffant resta. Quest uffant ha gudagnà il gieu e gudogna in pitschen premi.