Il salep e la furmicla
Salep e la furmicla,
che levan maridar.
Hoissa, hoissum
Hoitirala rideridum
Il bi salep quel scheva:
Jeu lessel maridar.
Lu la furmicla scheva:
Ti lessas forsa mei?
Il bi salep quel scheva:
Gie miu giavisch fuss quei.
Ei mavan sigl altar
Per metter en gl’ani.
Salep fa in tgaubriechel
Ch’ei scrola il tschurvi.
Sur mar va la furmicla
Per etg da medegar.
L’ei ida suenter Pastgas
Turnada da Nadal.
Cur ch’ella ei turnada,
fuv’il salep satraus.
L’ei ida vi sur fossa,
bargend ch’ell’ha rut l’ossa.
(il polischet, canzuns romontschas per l’instrucziun da clavazin tschentadas
da Rica-Maria Cathomen 1995, canzun populara romontscha)
