High School Musical: chantar e sautar sco ils stars

Sautar, chantar, giugar teater e trenar cun la band quai davent da la damaun fin la saira. Per 60 scolaras e scolars da la Surselva è quai stà realitad durant las vacanzas da scola. Els han numnadamain exercità per lur preschentaziun dal High School Musical che ha lieu la fin schaner a Mustér. Ensemen cun mussadras e mussaders han las giuvnas e giuvens exercità en in camp da trenament a Landquart.