Gionin

Gionin sto ir per laina,
Ma el ais ün pultrun,
In tuota di el maina
a chasa ün bastun.

Cul schierl sün sia goba
Gionin va aint il god,
Invidas el as sgoba,
La posa fa’l bainbod.

Gionin ha noscha glüna
Cha ir per lain’el sto,
Giovar el less adüna
Cun Peider e cun Clo.

Bain plascha la marenda
La ramma ha’l schmanchà,
Riand sü per la senda
pachific va’l a chà.

(Cudesch per nos pitschens I; Chanzunettas e Versets)