Ti stoss simplamain laschar vegnir ora il formular "Test da 3 minutas" e pos lura dar quai fegl per emplenir ora el.

Insatgi dat avant in bustab. Tuts uffants ston uschè spert sco pussaivel scriver pleds che vegnan endament ad els. Ils pleds ston cumenzar cun quest bustab.

In uffant s'imagina in pled. Mintga uffant scriva quest pled sin ses palpiri. Ils uffants han uss 5 minutas temp da crear or dals bustabs da quest pled novs pleds.

In uffant s'imagina in pled. Ils auters uffants ston uss pruvar da far or da quest pled ina frasa. Vul dir, mintga bustab da quest pled sto esser in pled che furma silsuenter ina frasa.

Insatgi inditgescha in pled. Ils auters ston uss tgertgar pleds che han in connex cun quest pled. Per exempel: raps  - daners, francs, euros.... Tgi che ha chattà ils pli bler pelds ha gudagnà.