Gronda festa per ils pitschens a Laax
La festa d'uffants ha carmalà la fin d'emna dals 23 e 24 da fanadur var 2'500 persunas enturn il Lag Grond a Laax. I ha dà insatge per tut las vegliadetgnas. Sprizzar aua cun in uder da pumpiers, dar sigls en il strom lom, tadlar paraulas e chantar chanzuns, ir a pe blut tras buglia e scalgias e sa pender vi d'ina suga e sgular sur il lai da Laax. Quellas e bleras autras attracziuns han ils uffants pudì giudair a Laax, per tut ils gusts han ils organisaturs gì ina purschida.
Intginas impressiuns dal mund dal simsalabim
Cun cliccar sin la fotografia giusut pudais vus guardar l'entira fotogalaria.
Pippi Soccalunga e Rosa sin visita a Mustér
- RTR
A Mustér è vegnì raquintà durant l’exposiziun da commerzi EX10 las istorgias da Pippi Soccalunga e Rosa tar ils pirats ed igl è vegnì chantà.
Impressiuns da quellas duas occurrenzas
Uffants dovran istorgias. RTR porta quellas!
- RTR
Per porscher dapli als uffants ha RTR sviluppà in concept. RTR ha contactà - sur las scolinas - ils geniturs cun uffants pitschens ed offrì a quels discs cumpacts cun istorginas u chanzuns. Sco "Nossa flotta Lisalotta" cun chanzuns da Linard Bardill, "Las pli bellas istrogias dal Simsalabim" e "Il viadi da Mauro". Latiers er ina DVD "La pitschna vatga Laila". Dapli en nossa butia.
A chaschun da la publicaziun da questa offerta ha RTR visità differentas scolinas. Quà chattais las fotografias da questas visitas.
Tschaiver 2009
Gudagnà la concurrenza "Mascra 2009" ha Ursina da Laax. Tgi che ha gudagnà las buttiglias da sport dad RTR u il Bindel magic dal Simsalabim pudais guardar quà!
Princessas, dialas, clowns e cowboys. Simsalabim è stà a guardar differents tils da tschaiver e ha fatg bleras fotografias. Tranter auter da Mustér, Vella e Trun.
Era durant l'onn pon ins zambregiar per tschaiver u forsa tadlar musica da tschaiver.
