Filiyou.de - profils en l'internet per pops

Filiyou è ina sort Facebook per ils geniturs e lur uffants. Geniturs pon registrar e crear in profil da lur uffants cun inditgar pais, grondezza, di da naschientscha ed anc bler autras specificaziuns persunalas. Igl è pussaivel da publitgar online fotos da l'uffant, ina sort album. Uschia pon parents, enconuschents ed amis sin tut il mund guardar co ch'il pitschen crescha. Dentant èsi da sa dumandar, quant segir che las datas sin talas plattafurmas èn e tge privels che sa zuppan davos talas purschidas.