Gronda festa per ils pitschens
La festa d'uffants ha carmalà la fin d'emna dals 23 e 24 da fanadur var 2'500 persunas enturn il Lag Grond a Laax. I ha dà insatge per tut las vegliadetgnas - nagin n'è vegnì a la curta.
Bleras attracziuns a la festa d'uffants a Laax
Il comité d'organisaziun ed ils passa 100 voluntaris avevan semtgà var 40 attracziuns per sa divertir da la damaun enfin la saira. Sprizzar aua cun in uder da pumpiers, dar sigls en il strom lom, tadlar paraulas e chantar chanzuns, ir a pe blut tras buglia e scalgias e sa pender vi d'ina suga e sgular sur il lai da Laax. Quellas e bleras autras attracziuns han ils uffants pudì giudair a Laax, per tut ils gusts han ils organisaturs gì ina purschida.
- Siglir en il strom (RTR)
- Giugar cun l'aua (RTR)
Tadlar la contribuziun da Rafael Müller...
Visitar il mund dal simsalabim
- Il mund dal simsalabim (RTR)
Radiotelevisiun Svizra Rumantscha e la Lia Rumantscha èn era stads a Laax. Nus avain envidà ils uffants da visitar il mund dal simsalabim e da chantar cun Gaby Degonda e Selina Cadonau ils pli cools semperverds per uffants. Marietta Jemmi ha raquintà istorgias da "Pippi Soccalunga", da la "Stria dals dents marschs" sco era da las aventuras da "Rosa tar ils Pirats".
Intginas impressiuns dal mund dal simsalabim
Cun cliccar sin la fotografia giusut pudais vus guardar l'entira fotogalaria.
