Far service d'aviuns pitschens
- Adrian von Rotz, mecanist d'aviuns
Avant prest in’emna è l’aviun cun il president da la Pologna Kaczynski crudà giu en Russia. Tuts 97 passagiers èn morts tar quai accident. Per evitar tant sco pussaivel accidents d’aviun pervi da defects tecnics fan ins adina puspè controllas che l’aviun funcziunia correct. Gion Hosang ha vulì savair d’in mecanist d’aviuns co ch’ins far service d’in aviun.
Tadlar la contribuziun da Gion Hosang...
Qua pudais dar in'egliada en il lavuratori d'Adrian von Rotz. Il lavuratori sa chatta a Bogn Ragaz a l'ur da la plazza aviatica.
- La plazza aviatica da Ragaz Bogn
- Il lavuratori d'Adrian von Rotz
- Las cuvertas dal motor da l'aviun
- L'aviun cun dus plaz da la marca Cessna
- Il motor da l'aviun
- En l'intern da l'aviun
Insatge ch'i na dat betg tar aviuns pitschens è la Black Box. Quella datti mo tar aviuns gronds. Tge che quella Black Box fa propi pudais guardar en il Minisguard dals 18-04-2010...
Il mecanist d'aviuns Adrian von Rotz è era londervi da realisar in project per el sez. El ha cumprà in sortiment da construcziun per in aviun. Cun quest sortiment construescha el dad A fin Z sez l'aviun. Sco Adrian von Rotz ha ditg stoppia el quintar cun 2500 fin 3000 uras lavur enfin che l'aviun sgola. Qua sut vesais quant lunsch ch'el è gia cun la construcziun da ses aviun.
- L'aviun che Adrian von Rotz construescha sez
- Actualmain drizza el las alas.
- Quai vegn fatg cun ina sort livel, in uder cun aua che va d'ina ala tar l'autra.
- L'aua sa reparta guliv, uschia ch'ins vesa tar omaduas finiziuns da l'uder sche las alas èn gulivas.
- Igl è anc bler da far ...
- ... enfin che l'aviun è a fin.
