Barattar la stanza da scolina cun la pista da skis
Ils uffants da scolina han barattà las poppas e la tscheppa cun ils skis. Durant duas emnas dal mais schaner visitan en tut 1'400 uffants da l'entir chantun Grischun la scola da skis. Era en il territori da skis da Mustér han intgins scolarets gì in'emna da skis. Intgins dad els èn stads per l'emprima giada sin skis, auters avevan gia rimnà emprimas experientschas. Nus avain fatg ina visita als scolarets a Caischavedra.
Taidla la contribuziun da Sandra Monn...
Ils 36 scolars da la scolina da Medel e da Mustér han emprais ina massa durant ils 5 dis scola da skis. La gruppa dals entschaviders ha emprais tar la scolasta da skis Claudia Berther. A l'entschatta da l'emna na pudevan ses scolarets anc strusch star sin ils skis e 5 dis pli tard èn els gia sa participads a la cursa da skis. Mussar ad uffants pitschens d'ir cun skis saja probabel pli simpel che da mussar a pli vegls, ha la scolasta da skis Claudia Berther manegià.
