Declerar art als uffants

Actualmain è da vesair en il museum d’art a Cuira in exposiziun speziala.  L’exposiziun mussa maletgs da Daniel Spoerri. Il titel da l’exposiziun è “muments schelads”. L’art che Spoerri fascheva en ils onns 60 èra in pau pli spezial. El prendeva vaschella, mangiativas e guaffens e tatgava tut sin in plat maisa. Suenter pendeva el quels plats maisa vid la paraid sco in maletg. Cun in workshop vul il museum d’art declerar quai art ad uffants da 6 enfin 8 onns. Nus avain visità in tal workshop da la pedagoga da museum Alexa Giger.