La Cuorsa dil Rein era per uffants
Metter en moviment ils uffants, quai vul la "Cuorsa dil Rein" a Mustér. Per l'emprima giada datti ina cursa da 1,7 respectiv 3,4 kilometers ch'è adattada per uffants. Tenor ils organisaturs datti gia dumondas da clubs da sport da la regiun per tramettar lur uffants a la cursa e laschar gidar ils geniturs vid l'organisaziun. Sper la cursa d'uffants nova datti las rutas classicas per curriders e walkers. La Cuorsa dil Rein è il zercladur, ella vegn organisada per la terza giada a Mustér.
