Cun e senza chapellina en l'Engiadina

Uss ch’i vegn pli chaud, as muventan ils uffants gugent or el liber. Ir cun il velo, cun il scooter, cun il kick-board u cun ils inline skates fa plaschair. Sch'ins va spert e sch’il traffic è grond crescha il privel d'accidents. Blers uffants van era gugent cun ils vehichels a scola. I dat scolas che s'engaschan che las scolaras ed ils scolars portan ina chapellina, autras scolas scumondan da duvrar vehichels per ir a scola ed anc autras dattan cumplaina libertad als uffants.

Sch’i avess da capitar in accident sin il viadi da scola, lura èn ils geniturs responsabels. Nus avain visità la scola da Puntraschigna, da Zuoz e da Scuol en l'Engiadina ed avain guardà co che quellas tractan il problem da la segirtad.