Chauns: il pitschen ed il grond
Suenter il giat è il chaun l’animal ch’ins chatta il pli savens en ils tegnair chasa dals svizzers. En mintga 7avel tegnair chasa viva numnadamain in chaun. Ils ins han chauns gronds, ils auters pitschens. Dacurt è il pli grond chaun vegnì en il cudesch da records. Gia pli ditg è il pli pitschen enconuschent.
Il pli pitschen
Il pli pitschen chaun dal mund è "Heaven Sent Brandy", in chihuahua. El paisa gnanc 1 kilo ed è mo uschè auts sco ina cuppa da coca cola. Chihuahuas n’èn betg uschè derasads tar nus. A Danis viva dentant in da quels exemplars tar la famiglia Montalta. Nus avain visità il chihuahua Joey e sia patruna Daniela Montalta per guardar, co ch’els vivan ensemen.
Taidla la contribuziun d'Angela Hitz...
- Chihuahua Joey
- Daniela Montalta cun Joey
Il pli grond
Dapi duas emnas èsi uffizial. Il pli grond chaun dal mund è in doc che ha num “Giant George”. U per rumantsch George gigantic. Sch’el stat sin duas chommas è el uschè grond sco in giugader da basket, numnadamain passa 2 meters. El paisa 111 kilos.
