La Lia Rumantscha ha organisà ensemen cun in patrunadi da geniturs in curs da rumantsch per famiglias rumantschas e bilinguas che abiteschan ordaifer il territori rumantsch. Finamira èsi stà da promover e meglierar las conuschientschas dal rumantsch.

Sper il curs è vegnì organisà in program accumpagnant attractiv. Sport e gieus, teaterins, chantar e sautar, zambregiar, excursiuns, far bogn al lai Davos Munts e star en buna cumpagnia èn insaquants chavazzins dal program. In’istorgia rumantscha ha accumpognà ils uffants l’entira emna ed ha dà impuls per las diversas activitads.

Ils geniturs han pudì far ina tura d’in di en las muntognas lumnezianas e sa participar ad ina prelecziun cun discussiun areguard la situaziun da famiglias rumantschas u bilinguas che abiteschan ordaifer il territori rumantsch.